فٹ بال کی عالمی تنظیم فیفا نیپا کستان ویمنز فٹبال ٹیم کو سیریز میں شامل کرنے کی منظوری دیدی ہے جس کے بعد پاکستان کی خواتین فٹبال ٹیم پہلی بار فیفا سیریز میں شامل ہوگئی ہے۔
پاکستان فٹبال فیڈریشن(پی ایف ایف)نے کہا ہے کہ فیفا سیریز میں شمولیت پاکستان میں ویمنز فٹبال کی بڑھتی ہوئی ترقی کا اعتراف ہے، فیفا سیریز میں شمولیت پاکستان ویمنز نیشنل ٹیم کیلئے نئے دور کا آغاز ہے، فیفا سیریز سے کھلاڑیوں کو انٹرنیشنل سطح کے مقابلے کھیلنے کو ملیں گے۔
فیفا سیریز مارچ اور اپریل 2026 میں کھیلی جائیگی جس کا آغاز برازیل، آئیوری کوسٹ اور تھائی لینڈ میں ہوگا۔
خواتین فیفا سیریز کے تمام گروپس کا اعلان 2026 کے اوائل میں متوقع ہے۔
