ایف آئی اے این سی بی انٹرپول نے قتل مقدمے میں مطلوب اشتہاری کو سعودی عرب سے گرفتار کرلیا۔
ترجمان کے مطابق ملزم تیمور حسن کیخلاف قتل کی دفعات کے تحت تھانہ صدر منڈی بہاالدین میں مقدمہ درج تھا، گرفتار ملزم گزشتہ 4 سال سے پنجاب پولیس کو مطلوب تھا۔
ایف آئی اے این سی بی انٹرپول نے ملزم کی گرفتاری کیلئے ریڈ نوٹس جاری کیا تھا۔
ترجمان کے مطابق ملزم کی حوالگی انٹرپول اسلام آباد کی انٹرپول ریاض کے ساتھ قریبی رابطہ کاری کی وجہ سے ممکن ہوئی ہے، ملزم کو پنجاب پولیس حکام کے حوالے کر دیاگیا ہے۔
