برطانیہ کے اہم حساس ادارے ایم آئی 5 کی جانب سے آئرش رپبلیکن آرمی کے ایجنٹ کو سنگین جرائم کا ارتکاب کرنے کی کھلی چھوٹ دینے کا انکشاف ہوا ہے۔
غیر ملکی میڈیا کے مطابق برطانوی پولیس رپورٹ میں انکشاف کیا گیا ہے کہ برطانیہ کی داخلی سلامتی سے جڑی ایجنسی ایم آئی 5 نے آئرش ریپبلکن آرمی سے جڑے ڈبل ایجنٹ کو نہ صرف جرائم کرنے کی چھوٹ دی بلکہ بعد میں اسکو ضابطے کی کارروائیوں سے بھی بچایا، یہ تحقیقات ایک دہائی پر محیط آپریشن کینووا کے حوالے سے سامنے آئی ہیں جس میں آئی آر اے کے ایک اہم رکن نے برطانوی حساس ادارے کیلئے مخبری کی خدمات انجام دیں۔
رپورٹ میں بتایا گیا ہے کہ آئرلینڈ میں آپریشنز کے دوران سٹیک نائف نامی اس ایجنٹ نے 14 افراد کو اس وقت قتل کیا جو شمالی آئرلینڈ میں بہت برا وقت تھا،سارے معاملے میں مجموعی طور پر 3 ہزار 500 افراد کی جان گئی اور اس سلسلے کا خاتمہ 1998 میں طے پانیوالے گڈ فرائڈے ایگریمنٹ پر ہوا۔
برطانوی پولیس کی 160 صفحات پر مشتمل رپورٹ بتاتی ہے کہ ایم آئی 5 نے ایجنٹ سٹیک نائف کو اسوقت چھٹیوں پر بھیجا گیا تھا جب پولیس اسکو تلاش کررہی تھی۔
