بیجنگ: چین کی وزارت خارجہ کی ترجمان ماؤ ننگ نے کہا ہے کہ چین افریقی ممالک کے ساتھ بارودی سرنگوں کی صفائی کے تعاون کو مضبوط بنانے اور بارودی سرنگوں کے خطرے کو جلد از جلد ختم کرنے میں افریقہ کو مدد دینے کا خواہاں ہے۔
پریس بریفننگ ماؤ نے کہا کہ چین افریقہ تعاون فورم 2024 کے سربراہ اجلاس کے دوران چین نے "بارودی سرنگوں سے پاک افریقہ کے لئے کارروائی” کا اعلان کیا جو افریقہ میں عالمی سلامتی اقدامات کو نافذ کرنے کے لئے چین کے متعدد عملی اقدامات میں سے ایک ہے۔
انہوں نے کہا کہ نئے دور کے مشترکہ مستقبل کے ساتھ ہر آزمائش پر پورا اترنے والی چین اور افریقہ کی برادری کی تشکیل میں امن اور سلامتی تعاون ایک اہم شعبہ ہے۔ انہوں نے کہا کہ چین انسانی بنیادوں پر بارودی سرنگوں کی صفائی میں معاونت اور تعاون کے لیے پرعزم ہے، چین نے ایتھوپیا، انگولا، اریٹریا، چاڈ اور دیگر ممالک کی کان کنی کی صلاحیت کو بہتر بنانے، مقامی شہریوں کے تحفظ اور مقامی معاشی و سماجی ترقی کو فروغ دینے میں مدد دینے کے لیے ٹھوس اقدامات کیے ہیں۔
ماؤ نے مزید کہا کہ چین مادی امداد، اہلکاروں کی تربیت، مو قع پر رہنمائی اور دیگر ذرائع کے ذریعے انسانی بنیادوں پر بارودی سرنگوں کی صفائی کے تعاون کو مضبوط بنانے کے لئے افریقی ممالک کے ساتھ کام کرنے کے لئے تیار ہے۔
