لاہور: ایف آئی اے نے انسانی سمگلنگ میں ملوث 2 اشتہاریوں سمیت 3 ملزمان گرفتار کرلئے۔ تفصیلات کے مطابق ایف آئی اے نے انسانی سمگلروں کیخلاف کارروائی کرتے ہوئے 2 اشتہاریوں سمیت 3 ملزمان کو گرفتار کرلیا۔
ترجمان کے مطابق خاتون ملزمہ سمیت تینوں ملزمان کو لاہور کے مختلف علاقوں سے گرفتار کیا گیا ہے،اشتہاری ملزمہ نے شہری کو شادی کا جھانسہ دے کر یو کے بھجوانے کیلئے 50 لاکھ روپے ہتھیائے تھے، ملزم نعیم کو شادمان میں ٹریول ایجنسی سے گرفتار کیا گیا ہے جس سے 201 پاکستانی پاسپورٹ برآمد ہوئے ہیں، ملزم بغیر لائسنس شہریوں کو زیارتوں کیلئے ایران بھجوانے میں بھی ملوث پایا گیا ہے۔
ترجمان کے مطابق تیسرے ملزم اشرف نے بھی شہریوں کو بیرون ملک بھجوانے کا جھانسہ دے کر لاکھوں روپے ہتھیائے ہیں۔
