اسلام آباد: مسلم لیگ (ن) کے رہنماء سینیٹر عرفان صدیقی نے کہا ہے کہ عمران خان کی رہائی خود ان پر منحصر ہے، بچے، بہنیں رہائی نہیں دلوا سکتے۔
نجی ٹی وی سے گفتگو کرتے ہوئے عرفان صدیقی نے کہا کہ بانی پی ٹی آئی اپنے بچوں کو سیاست میں لانا چاہتے ہیں، ان کے بچے ضرور پاکستان آئیں، تحریک چلانا چاہتے ہیں تو چلائیں۔
انہوں نے کہا کہ بانی کے بچے قانون کے دائرے میں رہ کر کام کریں تو اعتراض نہیں، ان کے بچوں کے آنے سے کوئی طوفان نہیں آئے گا۔
انہوں نے کہا کہ آصف زرداری سربراہ ریاست کی حیثیت سے اچھے طریقے سے کام کر رہے ہیں، انہوں نے حکومت کیلئے مشکلات پیدا نہیں کیں وہ مدبر شخص ہیں۔
انہوں نے کہا کہ پیپلز پارٹی ہماری اتحادی ہے ہم کیوں اس نظام کو درہم برہم کرنا چاہیں گے؟، خیبرپختونخوا میں بھی حکومت تبدیل نہیں ہو رہی۔
