اقوام متحدہ (شِنہوا)’’چھون جئی کوآئی لہ‘‘(نئے قمری سال کی مبارکباد) اقوام متحدہ کے سیکرٹری جنرل انتونیو گوتریس نے چینی قوم کو چینی زبان میں نئے قمری سال کی مبارکباد دی ہے اور چین کی طرف سے کثیر جہتی اور عالمی یکجہتی کے لئے مضبوط حمایت فراہم کرنے کا شکریہ ادا کیا۔
انہوں نے اقوام متحدہ میں چین کے مستقل مشن کی طرف سے بہار میلہ منانے کی تقریب میں نشر کئے گئے اپنے ویڈیو پیغام میں کہا کہ جب ہم گھوڑے کے سال کا خیر مقدم کرتے ہیں تو ہم توانائی، کامیابی اور آگے بڑھنے کے حوصلے کی علامت کا جشن مناتے ہیں، یہ ایسی خصوصیات ہیں جس کی دنیا کو اشد ضرورت ہے کیونکہ ہمیں تنازعات، عدم مساوات اور ماحولیاتی مسائل کا سامنا ہے۔
انہوں نے کہا کہ تجدید کا یہ موسم ہمیں یاد دہانی کراتا ہے کہ ہم ایک محفوظ اور زیادہ جامع مستقبل تعمیر کر سکتے ہیں۔ ہمیں ساری انسانیت کے لئے امن، وقار اور پائیدار ترقی کے لئے اپنی مشترکہ کو ششوں کو آگے بڑھانا جاری رکھنا چاہیے۔
اقوام متحدہ کی ڈپٹی سیکرٹری جنرل امینہ محمد نے کہا کہ حوصلہ، اتحاد اور ثابت قدمی چینی نئے سال کی روح کی نمائندگی کرتے ہیں۔
یہی وہ چیز ہے جس کی ہمیں ضرورت ہے۔ ہمیں اپنے عقائد پر قائم رہنے کا حوصلہ، اپنے مقاصد کے لئے متحد ہونے اور اس پر عمل کرنے کی ثابت قدمی چاہیے۔
اقوام متحدہ کی انڈر سیکرٹری جنرل برائے عالمی مواصلات میلیسا فلیمنگ نے امید ظاہر کی کہ نیا سال دنیا کے لئے مزید جدت، آگے کی سوچ اور مشترکہ بھلائی کے لئے تعاون لے کر آئے گا۔
اقوام متحدہ میں پاکستان کے مستقل مندوب عاصم افتخار احمد نے خوشی کا اظہار کیا کہ ان کی تاریخ پیدائش ” گھوڑے کے سال” میں آتی ہے۔ انہوں نے توقع ظاہر کی کہ یہ سال گھوڑے سے منسلک تمام خصوصیات جیسے ثابت قدمی اور طاقت لے کر آئے گا۔
اقوام متحدہ میں چین کے مستقل مندوب فو تسانگ نے اپنے خطاب میں کہا کہ یہ سال چین کے 15 ویں پانچ سالہ منصوبے (2026-2030) کے آغاز کی نشاندہی کرتا ہے۔
 اقوام متحدہ کے سیکرٹری جنرل انتونیو گوتریس نے چینی قوم کو چینی زبان میں نئے قمری سال کی مبارکباد دی ہے اور چین کی طرف سے کثیر جہتی اور عالمی یکجہتی کے لئے مضبوط حمایت فراہم کرنے کا شکریہ ادا کیا۔){kind=link}