لاہور ہائیکورٹ نے شہریت بارے افغانی خاتون کی درخواست پر عمل نہ ہونے پر ڈی سی نارووال کو توہین عدالت کا نوٹس جاری کر دیا۔
منگل کو لاہور ہائیکورٹ میں جسٹس سلطان تنویر احمد نے زاہد حسین کی درخواست پر سماعت کی۔
درخواست میں موقف اپنایا گیا کہ درخواست گزار کی بیوی مینا ابراہیم افغانی ہے جس سے 4بچے پیدا ہوئے، درخواست گزار کی بیوی نے پاکستان نیشنل ہونے کیلئے اپلائی کیا۔
وزرات داخلہ نے درخواست گزار کی بیوی سے اس بابت دستاویزات طلب کئے لیکن وزرات داخلہ نے پاکستانی ڈومیسائل نہ رکھنے پر بیوی کو کلیئرنس سرٹیفکیٹ جاری کرنے سے انکار کر دیا۔
شہری نے موقف اپنایا کہ عدالت نے ڈومیسائل کے حصول کیلئے بیوی کی درخواست دادرسی کیلئے ڈی سی کو بھجوا دی لیکن عدالت کے 7 اکتوبر 2025 کے حکم کی ابھی تک پاسداری نہیں کی، استدعا ہے کہ عدالت ڈی سی نارووال کے خلاف توہین عدالت کی کارروائی عمل میں لائے۔
عدالت نے ڈی سی نارروال طیب خان کو توہین نوٹس جاری کرتے ہوئے جواب طلب کرلیا۔
