پاکستان اور جنوبی افریقا کے درمیان سیریز کے جنوبی افریقا کے سابق کپتان شان پولاک ، سابق پاکستانی ٹیسٹ کپتان عامر سہیل، رمیز راجہ، وقار یونس اور بازید خان ٹیسٹ سیریز کے کمنٹری پینل کا حصہ ہوں گے۔
پی سی بی کی جانب سے جاری کردہ نشریاتی تفصیلات کے مطابق وائٹ بال سیریز کے دوران عامر سہیل، رمیز راجہ، عروج ممتاز ، جے پی ڈومنی اور ورنن فلینڈر کمنٹری کے فرائض انجام دیں گے، سیریز کی نشریات ہائی ڈیفینیشن کوالٹی میں پیش کی جائیں گی جس میں 28 کیمرے، بگی کیم سمیت جدید ہاک آئی اور الٹرا ایج ڈی آر ایس ٹیکنالوجی شامل ہوں گی۔
پاکستان میں شائقین کرکٹ اے سپورٹس اور ٹین سپورٹس پر میچز براہِ راست دیکھ سکیں گے جبکہ ٹیپ میڈ اور تماشہ پلیٹ فارمز پر سیریز کی لائیو سٹریمنگ دستیاب ہوگی۔
بین الاقوامی سطح پر سیریز کی نشریات وِلو ٹی وی ، سپر سپورٹس ، ٹی سپورٹس ، کرک بز اور ڈائیلاگ ٹی وی پر کی جائیں گی۔
