وزیراعظم شہباز شریف نے غزہ جنگ بندی معاہدے کا خیر مقدم کرتے ہوئے کہا ہے کہ فلسطینیوں نے ناقابل بیان مصائب برداشت کئے ہیں، تکلیف دہ صورتحال دوبارہ نہیں دہرائی جانی چاہئے۔
جاری بیان میں وزیراعظم نے مسجد الاقصی میں حالیہ اشتعال انگیز واقعات کی مذمت کرتے ہوئے کہا کہ غزہ میں نسل کشی کے خاتمے کے معاہدے کا اعلان تاریخی موقع ہے، یہ معاہدہ مشرق وسطی میں پائیدار امن کے قیام کی امید ہے۔
انہوں نے امریکی صدر کی قیادت کو سراہتے ہوئے کہا کہ ٹرمپ نے مذاکراتی عمل میں عالمی امن کیلئے غیر متزلزل عزم دکھایا۔
وزیراعظم نے قطر، مصر اور ترکیہ کے رہنماؤں کی کوششوں کو بھی خراجِ تحسین پیش کیا جنہوں نے معاہدے کیلئے انتھک کوششیں کیں۔
وزیراعظم نے فلسطینی عوام کو خراجِ عقیدت پیش کرتے ہوئے کہا کہ فلسطینیوں نے بے مثال قربانیاں دیں، ایسی تکلیف دہ صورتحال دوبارہ نہیں دہرائی جانی چاہئے۔
