نیو یارک: امریکی ریاست فلوریڈا میں ملٹن نامی سمندری طوفان میں درجہ 5 تک شدت آگئی ہے۔ سوموار کی رات یہ شدت مختصر وقت کے لئے کمزور ہو کر درجہ 4 تک آگئی تھی۔
سوموار کو تیز ہواؤں کے ساتھ ملٹن کی رفتار 200 میل فی گھنٹہ سے تجاوز کر جانے سے اسے درجہ ششم کہا جانے لگا۔
فلوریڈا کے مغربی ساحل پر 50 لاکھ سے زائد افراد کو تاکید کی گئی ہے کہ بدھ کی رات یا جمعرات کو علی الصبح طوفا ن کے ساحل سے ٹکرانے سے قبل علاقہ خالی کردیں۔
فلوریڈا میں 20 سے زائد کاؤنٹیز میں لازمی اور رضاکارانہ انخلا ءکے احکامات جاری کئے گئے ہیں اور حکام نے انخلاء کے احکامات نہ ماننےوالوں کو سخت وارننگ دی ہے۔
ٹمپا کے میئر جین کاسٹر نے شہریوں کو خبردار کیا ہے کہ اگر انخلا نہ تو مر جائیں گے۔
امریکی قومی ہوریکن سنٹر کی تازہ ایڈوائزری کے مطابق بدھ کو انخلا ءکے لئےکافی وقت نہیں ملےگا۔
امریکی صدر جو بائیڈن نے سوموار کے روز فلوریڈا میں ایمر جنسی کا اعلان کرنے کی منظوری دی تھی۔ یہ ریاست تاحال ہیلن نامی سمندری طوفان کے اثرات کے بعد بحال ہو رہا ہے۔
