اسلام آباد: نائب وزیراعظم و وزیر خارجہ اسحاق ڈار نے پاکستانی مشنز میں ویزاء اجرا کا عمل تیز، کارکردگی میں بہتری لانے کی ہدایت کردی۔
دفتر خارجہ سے جاری بیان کے مطابق ہفتے کو نائب وزیراعظم اسحاق ڈار کی زیر صدارت اجلاس ہوا جس میں 2024 ء کے دوران پاکستان کے غیر ملکی مشنز میں ویزا عمل بارے متعارف کروائی گئی اصلاحات کا جائزہ لیا گیا۔نائب وزیراعظم نے ہدایت کی کہ ویزا کے طریقہ کار کو مزید موثر اور شفاف بنایا جائے، کارکردگی میں بہتری لائی جائے اور ویزا اجرا کے عمل کو تیز تر کیا جائے۔
انہوں نے ہدایت کی کہ بالخصوص بیرون ملک مقیم پاکستانیوں، سرمایہ کاروں اور کاروباری برادری کیلئے سہولیات کی فراہمی ممکن بنائی جائے۔
