لاہور: پی ٹی آئی رکن پنجاب اسمبلی امتیاز شیخ نے رکنیت معطلی کیخلاف لاہور ہائیکورٹ میں درخواست دائر کردی۔
اظہر صدیق ایڈووکیٹ کی وساطت سے دائر درخواست میں پنجاب حکومت، گورنر پنجاب، سپیکر پنجاب اسمبلی سمیت دیگر کو فریق بناتے ہوئے موقف اپنایا گیا ہے کہ اسمبلی اجلاس کے دوران 4 قوانین کی منظوری کے وقت میں نے کورم کی نشاندہی کی تھی جس کے بعد سپیکر پنجاب اسمبلی نے اسمبلی رولز 4 اور 5 کا غلط استعمال کرتے ہوئے میری رکنیت 15 اجلاسوں کیلئے معطل کر دی۔
درخواست میں استدعا کی گئی ہے کہ سپیکر پنجاب اسمبلی کا رکنیت معطل کرنے کا اقدام کالعدم قرار دے کر درخواست گزار کی رکنیت بحال کرنے کا حکم دیا جائے۔
