میکسیکو: میکسیکو نے منشیات خاتمے کیلئے اپنی سرزمین پر امریکی فوجی کارروائی ناقابل قبول قرار دے دی۔ غیر ملکی میڈیا کے مطابق میکسیکن صدر کلاوڈیا شینباوم نے میڈیا سے گفتگو میں امریکی فوجی دستوں کے استعمال کو مسترد کرتے ہوئے واضح کیا ہے کہ اپنے ملک میں امریکی فوج کو خوش آمدید نہیں کہیں گے۔
انہوں نے کہا کہ ہم تعاون کرتے ہیں لیکن ایسی مداخلت نہیں ہونی چاہئے، اسے بالکل مسترد کیا جاتا ہے۔انہوں نے کہا کہ یہ کسی بھی معاہدے کا حصہ نہیں ہے جب بھی اس معاملے کو اٹھایا گیا، ہم نے ہمیشہ انکار کیا ہے۔دوسری جانب میکسیکو کی وزارت خارجہ نے جاری بیان میں کہا ہے کہ میکسیکو اپنی سرزمین پر امریکی فوجی کارروائی کو قبول نہیں کرے گا، ہمیں منشیات کے کارٹلز سے نمٹنے کے لیے اپنی سرزمین پر امریکی فوجی دستوں کی تعیناتی قبول نہیں ہے۔
