کراچی: چیف جسٹس سندھ ہائیکورٹ نے خصوصی عدالتوں اور ٹریبونلز کیلئے ڈسٹرکٹ اینڈ سیشن ججز کی نامزدگی کی منظوری دیدی جس پر ممبر انسپکشن ٹیم ون نے نامزدگیاں وزارت قانون و انصاف کو خط کے ذریعے ارسال کردی ہیں۔
خط کے مطابق ڈسٹرکٹ اینڈ سیشن جج جہانگیر احمد دایو کو بینکنگ کورٹ 7کراچی ، ڈسٹرکٹ اینڈ سیشن جج رحمت اللہ مورو کو بینکنگ کورٹ لاڑکانہ، ڈسٹرکٹ اینڈ سیشن جج نوشابہ قاضی کو بینکنگ کورٹ 3کراچی، ڈسٹرکٹ اینڈ سیشن جج امینہ نذیر انصاری کو سپیشل کورٹ اینٹی کرپشن 2،ڈسٹرکٹ اینڈ سیشن جج ثریا محبوب کو اینٹی انکروچمنٹ ٹریبونل کراچی ،ڈسٹرکٹ اینڈ سیشن جج شازیہ آصف کو لیبر کورٹ 2، ڈسٹرکٹ اینڈ سیشن جج ظفر اللہ سولنگی کو سپیشل کورٹ انسداد تجاوزات حیدرآباد، ریٹائرڈ ڈسٹرکٹ اینڈ سیشن جج جاوید اقبال کو لیبر کورٹ 7لاڑکانہ، ریٹائرڈ ڈسٹرکٹ اینڈ سیشن جج محمد سعد قریشی کو کسٹم اینڈ اینٹی سمگلنگ کورٹ 1 ،ریٹائرڈ ڈسٹرکٹ اینڈ سیشن جج محمد مشتاق لغاری کو کسٹم اینڈ اینٹی سمگلنگ کورٹ 2 ، ریٹائرڈ ڈسٹرکٹ اینڈ سیشن جج جاوید احمد کیریو کو بینکنگ کورٹ، ریٹائرڈ ڈسٹرکٹ اینڈ سیشن جج شاہد پرویز میمن کو بینکنگ کورٹ کراچی اور ریٹائرڈ ڈسٹرکٹ اینڈ سیشن جج سید نصیرالدین شاہ کو بینکنگ کورٹ 2کراچی کیلئے نامزد کیا گیا ہے۔
