ہانگ کانگ (شِنہوا) ہانگ کانگ خصوصی انتظامی خطے ( ایچ کے ایس اے آر) کی ہائی کورٹ نے پیر کی صبح ہانگ کانگ میں چین مخالف فسادات بھڑکانے والے جمی لائی کو 20 سال قید کی سزا سنا دی۔
ہائی کورٹ نے دسمبر میں جمی لائی کو دو الزامات، بیرونی طاقتوں سے گٹھ جوڑ کرنے اور بغاوت آمیز مواد شائع کرنے کی سازش میں قصور وار ٹھہرایا تھا۔ جمی لائی کی سزا میں نرمی سے متعلق اپیل کی سماعت 12 جنوری کو شروع ہوئی اور 13 جنوری کو مکمل ہوئی۔
قومی سلامتی کے اس مقدمے میں نامزد ملزمان میں جمی لائی، ایپل ڈیلی لمیٹڈ، ایپل ڈیلی پرنٹنگ لمیٹڈ اور ایپل ڈیلی انٹرنیٹ لمیٹڈ شامل ہیں، جن پر اشتعال انگیز مواد شائع کرنے اور بیرونی طاقتوں سے گٹھ جوڑ کی سازش کے الزامات عائد کئے گئے ہیں۔ اس کے علاوہ جمی لائی کو بیرونی طاقتوں سے گٹھ جوڑ کی سازش کے ایک الگ الزام کا بھی سامنا تھا۔
یہ مقدمہ باضابطہ طور پر 18 دسمبر 2023 کو شروع ہوا اور اس کی سماعت ہانگ کانگ کی قومی سلامتی کے قانون کے تحت مقرر کئے گئے تین ججوں نے کی۔
 کی ہائی کورٹ نے پیر کی صبح ہانگ کانگ میں چین مخالف فسادات بھڑکانے والے جمی لائی کو 20 سال قید کی سزا سنا دی۔){kind=link}