گزشتہ سال کے آخری مہینے کے دوران اوورسیز پاکستانیوں کی جانب سے ترسیلات زر کی مد میں 3.6ارب امریکی ڈالر وطن بھیجے گئے جن میں سب سے بڑا حصہ سعودی عرب سے موصول ہوا۔
سٹیٹ بینک کے مطابق نمو کے لحاظ سے کارکنوں کی ترسیلات زر میں سال بہ سال 16.5فیصد اور ماہ بہ ماہ 12.6فیصد اضافہ ہوا۔
مالی سال 2026 کی پہلے چھ ماہ کے دوران مجموعی طور پر موصول شدہ ترسیلات زر 19.7 ارب ڈالر تک پہنچ گئیں جو 10.6فیصد اضافہ ہے جبکہ گزشتہ سال کی اسی مدت میں 17.8 ارب ڈالر موصول ہوئے تھے۔
دسمبر 2025 کے دوران ترسیلات زر کا بڑا حصہ سعودی عرب سے موصول ہوا یہ رقم 81 کروڑ 31 لاکھ ڈالر بنی، اسی طرح متحدہ عرب امارات سے 72 کروڑ 61 لاکھ ڈالر، برطانیہ سے 55 کروڑ 97 لاکھ ڈالر اور امریکا سے 30 کروڑ 17 لاکھ ڈالر موصول ہوئے۔
