مفتی عبدالقوی نے حال ہی میں ایک پوڈکاسٹ میں بھارتی اداکارائوں سے تعلقات اور بالی وڈ میں اپنے روابط سے متعلق حیران کن دعوے اور انکشافات کئے ہیں، انہوں نے مشہور بالی وڈ اداکارہ بیبو کہلانے والی کرینہ کپور سے نکاح کرنے کا حیران کن دعویٰ اور انکشاف کرتے ہوئے کہا کہ کرینہ کپور انکی بیوی رہی ہیں، وہ جوانی سے ہی خوبصورت رہے ہیں، انہیں کئی سال قبل سیٹھ شاہد کے نام سے پکارا جاتا تھا، انکے روابط دبئی اور بھارتی کاروباری حضرات اور علما اکرام سے تھے۔
انکے مطابق انکا بھارت آنا جانا لگا رہتا تھا اور وہاں جانے کے بعد ان کی خواہشات بھی جاگ اٹھتی تھیں جس پر ان سے وہاں کے اپنے دوست پوچھتے تھے کہ کون چاہئے۔
مفتی قوی نے دعویٰ کیا کہ کرینہ کپور سے انکا ابتدائی تعلق 1996 میں بنا جب اداکارہ کی عمر 21 سے 23 سال تک تھی اور انکے درمیان 1999 تک گہرے تعلقات بن گئے، ہندوئوں کے پاس بھی الہامی کتاب ہے اور مسلمان ہندو خواتین سے نکاح کر سکتے ہیں، انہوں نے بھی کرینہ کپور سے نکاح کیا تھا۔
انہوں نے بتایا کہ کرینہ کپور بھی پاکستان کی بھابھی رہی ہیں چونکہ وہ انکی بیوی رہی ہیں، وہ انکے نکاح میں تھیں، شاید انکے سیٹھ شاہد کے نام سے کرینہ کپور متاثر ہوئیں اور یہ اسوقت کرینہ کپور اتنی بڑی اداکارہ نہیں بنی تھیں اسلئے انکا نکاح ہوگیا، کرینہ کپور کی سیف علی خان سے شادی کے وقت بھارتی علما اکرام نے انکا نکاح حرام قرار دیا لیکن انہوں نے انکا نکاح حلال قرار دیا، انہوں نے کرینہ کپور کے اپنے نکاح میں رہنے کی وجہ سے کھل کر سیف علی خان سے انکے نکاح کی حمایت کی، انہوں نے بتایا کہ اگر اب بھی ایشوریا رائے کی جانب سے پیغام نکاح آئیگا تو وہ تیار ہیں، وہ انہیں شروع سے ہی پسند رہی ہیں۔
