سی ٹی ڈی پنجاب نے لاہور، فیصل آباد اور بہاولپور سے کارروائیوں کے دوران را کے سہولت کار 12دہشت گرد کرلئے۔
ترجمان سی ٹی ڈی کے مطابق لاہور سے گرفتار دہشت گردوں کی شناخت سکھ دیپ سنگھ، عظمت، فیضان، نبیل، ابرار، عثمان، سرفراز کے ناموںسے ہوئی ہے جبکہ فیصل آباد سے دہشت گرد دانش کوحراست میں لیا گیا ہے۔
ترجمان کے مطابق بہاولپور سے گرفتار فتنہ الہندوستان کے دہشت گردوں میں رجب، ہاشم، ثاقب اور عارف شامل ہیں۔
بیان کے مطابق دہشت گردوںکو بھارت سے آپریٹ ہونیوالی عادل نام کی فیس بک آئی ڈی کی مدد سے گرفتار کیا گیا ہے۔
ملزمان سے حساس مقامات ،مدرسے ومیلے کی تصاویر، ویڈیو، اسلحہ اور بارودی مواد برآمد ہوا ہے۔
ترجمان کے مطابق دہشت گرد سکھ دیپ سنگھ پیدائشی کرسچن تھا جس نے کچھ عرصہ قبل مذہب تبدیل کیا۔ بیان کے مطابق دہشت گردوں کو بھارتی دہشت گرد ایجنسی سے بھاری فنڈنگ بھی کی جاتی رہی ہے۔
ترجمان کے مطابق دہشت گردوں کیخلاف مقدمات درج کر کے تفتیش شروع کردی گئی ہے۔
