ہانگ کانگ سکسز کے دوسرے کوارٹر فائنل میں پاکستان نے جنوبی افریقا کو 5 وکٹوں سے شکست دیکر سیمی فائنل میں پہنچ گیا۔
پاکستان کے کپتان عباس آفریدی نے ٹاس جیت کر پہلے بولنگ کرنے کا فیصلہ کیا۔
جنوبی افریقی ٹیم نے بیٹنگ کرتے ہوئے مقررہ 6 اوورز میں 3 وکٹوں کے نقصان پر 102 رنز بنائے۔ جورک وین نے 40 رنز بنائے، عبد اللہ بیومی اور کپتان جارڈن مورس ایک، ایک رن بنا سکے جبکہ بلکی سمجمن اور یتھن جان بالترتیب 26 اور 29 رنز کے ناٹ آوٹ رہے۔
ہدف کے تعاقب میں پاکستان نے3.5 اوورز میں ایک وکٹ کے نقصان پر 105 رنز بنا کر میچ میں کامیابی حاصل کرلی۔
اوپننگ بیٹر عبد الصمد نے 10 گیندوں پر 8 چھکوں کی بدولت 50 رنز کی شاندار اننگز کھیلی۔
وکٹ کیپر بیٹر خواجہ نافع 36 رنز بنا سکے جبکہ کپتان عباس آفریدی نے 2 گیندوں میں 2 چھکوں کی بدولت 12 رنز بنائے۔
پاکستان کی جانب سے محمد شہزاد نے 3 وکٹ اپنے نام کی۔
