کراچی: سٹیٹ بینک نے بتایا ہے کہ رواں مالی سال کے ابتدائی 4 ماہ میں پاکستان کو 11.84 ارب ڈالر کی ترسیلات زر موصول ہوئی ہیں۔ سٹیٹ بینک کی جانب سے جاری ترسیلات زر کی تفصیلات کے مطابق ستمبر کے مقابلے اکتوبرمیں ترسیلات زر7فیصد زائد ہیں،اکتوبر میں ورکرز ترسیلات 3.05ارب ڈالر رہیں جبکہ اکتوبر 2023کے مقابلے رواں اکتوبر 24فیصد اضافی ورکرز ترسیلات موصول ہوئیں۔ سٹیٹ بینک کے مطابق مالی سال کے ابتدائی
4ماہ میں سعودی عرب میں مقیم پاکستانیوں نے 2.92ارب ڈالر بھیجے جبکہ اکتوبر میں 76.67کروڑ ڈالر بھیجے۔عرب امارات سے 4ماہ میں 2.33ارب ڈالر کی ورکرز ترسیلات موصول ہوئیں جبکہ اکتوبر میں امارات سے 62کروڑ ڈالر کی ورکرز ترسیلات موصول ہوئیں۔
سٹیٹ بینک ے مطابق بیرون ملک مقیم پاکستانیوں نے مالی سال کے ابتدائی 4ماہ میں 11.84ارب ڈالر بھیجے، رواں مالی سال کے 4ماہ میں اوسط 2.96ارب ڈالر کی ورکرز ترسیلات موصول ہوئیں جو گزشتہ ماہ کے اسی عرصے کے مقابلے میں 35 فیصد زائد ہیں۔
