بیجنگ: چین میں قومی دن کی چھٹیوں کے دوران 2ارب سے زائد مسافر دورے ہوئے۔
وزارت ٹرانسپورٹ نے منگل کے روز بتایا کہ یکم سے 7 اکتوبر تک روزانہ اوسطاً 28 کروڑ 60 لاکھ مسافر دورے ہوئے۔یہ گزشتہ سال کی قومی دن کی چھٹیوں کے دوران کئے گئے دوروں سے 3.9 فی صد زیادہ ہیں ۔
مجموعی طور پر ٹرینوں کے ذریعے 13 کروڑ 10 لاکھ سفری دورے ہوئے جبکہ روزانہ اوسطاً 1 کروڑ 87 لاکھ 50 ہزار سفری دورے کیے گئے ۔اس میں گزشتہ سال کی نسبت 6.3 فی صد اضافہ ہوا ہے۔
چین کےقومی دن کی چھٹیوں کے دوران روزانہ اوسطاً 23 لاکھ فضائی دورےہوئے۔اس میں گز شتہ سال کی نسبت 11.1 فی صد اضافہ ہوا۔
وزارت ٹرانسپورٹ کے مطابق شاہراہوں کے ذریعے ایک ارب 85 کروڑ دورے ہوئے ۔سمندر ی سفر کے دوران دورے 98 لاکھ تک بڑھ گئے۔
