شیخوپورہ: موٹروے ایم 2 پر فیض پور بس کی وین کو ٹکر کے نتیجے میں 5 افراد جاں بحق اور 10 زخمی ہو گئے ۔ترجمان موٹروے پولیس سید عمران احمد کے مطابق موٹروے پر افسوس ناک حادثہ بس ڈرائیور کے سو جانے کی وجہ سے پیش آیا ، بس مانسہرہ سے لاہور آرہی تھی کہ موٹروے ایم 2 پر فیض پور کے قریب ہائی اسپیڈ بس نے ہائی ایس کو پیچھے سے ہٹ کیا۔
جبکہ موٹروے پولیس نے موقع پر پہنچ کر امدادی سرگرمیاں شروع کر دیں ، زخمیوں کو ابتدائی طبی امداد کے لیے قریبی اسپتال منتقل کیا گیا جہاں ڈی آئی جی مسرور عالم کلاچی نے زخمیوں کی عیادت کی۔
