ویسٹ انڈیز: ویسٹ انڈیز کے سابق کرکٹر کرس گیل انڈین پریمیئر لیگ(آئی پی ایل) کی فرنچائز پنجاب کنگز نے مجھے عزت نہیں دی۔
ایک انٹرویو انہوں نے انکشاف کیا کہ پنجاب کنگز نے بے عزتی کی، میں نے محسوس کیا کہ سینئر کھلاڑی کی حیثیت سے میرے ساتھ برتاو اچھا نہیں ہے، آپ نے فرنچائز کے لیے اتنا کچھ کیا لیکن عزت نہ دی جائے بچوں جیسا رویہ ہو۔
انہوں نے کہاکہ مجھے ایسا لگا جیسے میرے کندھوں پر بلڈنگ جتنا بوجھ ہو، زندگی میں پہلی مرتبہ ڈپریشن موڈ میں گیا، آپ کی مینٹل ہیلتھ پیسے سے زیادہ اہم ہے۔
انہوں نے کہا کہ میں نے انیل کمبلے کو کال کی ون آن ون بات ہوئی، یقین جانیں گفتگو کے دوران میرا بریک ڈاون ہو گیا، میں رو پڑا تھا مجھے انیل کمبلے سے بہت دکھ تھا، میں نے ان کا شکریہ ادا کیا میں بات بھی جاری نہیں رکھ پا رہا تھا۔
ان کا کہنا تھا کہ کپتان کے ایل راہول نے کال کی، کرس تم یہاں رکنا چاہتے ہو تم اگلا میچ کھیلو گے؟ میں نے کہا کہ سنو آپ سب کھلاڑیوں کو آل دی بیسٹ، میں نے اپنا سامان باندھا اور چلا گیا۔
