ایجبسٹن ٹیسٹ میں شاندار کارکردگی دکھانے والے بھارتی کپتان شبمن گل کی ایک غلطی کے باعث بی سی سی آئی کے بھاری نقصان اٹھانے کا خدشہ ہے۔غیر ملکی میڈیا رپورٹس کے مطابق ایجبسٹن ٹیسٹ سیریز کے دوران کی گئی شبمن گل کی غلطی کے باعث بورڈ آف کنٹرول فار کرکٹ ان انڈیا (بی سی سی آئی) کو 250 بھارتی روپے یعنی تقریبا 825 کروڑ پاکستانی روپے کا نقصان پہنچ سکتا ہے۔
میڈیا رپورٹس کے مطابق ایجبسٹن ٹیسٹ سیریز کے دوسرے روز جب بھارتی ٹیم 607 رنز کی برتری کے ساتھ 6 وکٹوں پر 427 رنز پر کھیل رہی تھی، بھارتی کپتان نے اننگز ڈکلیئر کردی۔اس موقع پر شبمن گِل بی سی سی آئی کے اسپانسر معاہدے کی خلاف ورزی کرتے ہوئے پویلین سے میدان میں نائکی کی شرٹ میں آئے۔
خیال رہے کہ بی سی سی آئی کا موجودہ کِٹ اسپانسر ایڈیڈاس ہے اور تمام کھلاڑیوں پر لازم ہے کہ وہ صرف ایڈیڈاس کا لباس یا سامان استعمال کریں۔ تاہم دوسری جانب شبمن گِل نائکی کے برانڈ ایمبیسیڈر ہیں۔
بھارتی میڈیا رپورٹس کے مطابق شبمن گِل کی یہ غلطی بی سی سی آئی کو بہت بھاری پڑسکتی ہے، ممکن ہے کہ ایڈیڈاس بی سی سی آئی سے 250 کروڑ روپے کا کیا گیا معاہدہ ختم کر دے یا پھر بھارتی بورڈ پر بھاری جرمانہ عائد کر دے۔ یہ معاہدہ 2023 سے مارچ 2028 تک کے لیے ہے۔
