بوسنیا اور ہرزیگووینا کے شہر سرائیوو کا موسم سرما کا ایک خوبصورت فضائی منظر- (شِنہوا)
سرائیوو(شِنہوا)بوسنیا اور ہرزیگووینا (بی آئی ایچ) کے قومی ادارہ شماریات کے جاری کردہ اعداد وشمار کے مطابق مئی کے مہینے میں سرائیوو کا دورہ کرنے والے چینی سیاحوں کی تعداد 11ہزار 600 سے تجاوز کر گئی، جو پچھلے سال کے اسی مہینے کے مقابلے میں 28.7 فیصد اضافہ ہے۔
اسی مدت کے دوران دارالحکومت میں رات قیام کرنے والے چینی سیاحوں کی تعداد 13ہزار 200 سے زائد رہی جو مئی 2024 کے مقابلے میں 19 فیصد زیادہ ہے۔
یہ اضافہ اس وقت ہو رہا ہے جب چین اور بوسنیا و ہرزیگووینا 2025 میں اپنے سفارتی تعلقات کی 30ویں سالگرہ منا رہے ہیں۔ اسی سال دونوں ممالک کے درمیان ویزا استثنیٰ کی باہمی پالیسی کی 8 ویں سالگرہ بھی منائی جا رہی ہے۔ 29 مئی 2018 سے نافذ العمل یہ معاہدہ عام پاسپورٹ رکھنے والوں کو 180 دن کے اندر 90 دن تک بغیر ویزا کے قیام کی اجازت دیتا ہے۔
چینی سیاح اپریل کے مہینے میں ان 5 اہم ممالک میں شامل تھے جن کے لوگ بیرون ملک آ کر رات گزارنے والوں میں سب سے زیادہ تھے۔ ان کے ساتھ ساتھ سربیا، ترکیہ اور کروشیا سے آنے والے سیاح بھی اس فہرست میں شامل تھے۔
