لاہور: وزیراعلی پنجاب مریم نواز نے شدید بارشوں کے پیش نظر متعلقہ اداروں کو ہائی الرٹ رہنے کا حکم دیا ہے۔
جاری بیان میں مریم نواز نے واسا، پی ڈی ایم اے، لوکل گورنمنٹ، ریسکیو 1122اور ٹریفک پولیس کو فیلڈ میں موجود رہنے اور صورتحال کی مسلسل نگرانی کی ہدایت کرتے ہوئے کہا کہ انتظامیہ اور واسا افسران خود فیلڈ میں نکل کر نکاسی آب کے اقدامات کی نگرانی کریں جبکہ کمشنرز اور ڈپٹی کمشنرز نشیبی علاقوں سے پانی کی نکاسی کی مسلسل مانیٹرنگ کریں۔
انہوں نے ٹریفک پولیس کو پلان جاری کرنے اور شہریوں کو متبادل راستوں سے بروقت آگاہ کرنے کا حکم دیا تاکہ عوام کو کسی قسم کی پریشانی کا سامنا نہ کرنا پڑے۔
وزیراعلی نے تمام اداروں کو باہمی رابطے کیساتھ کام کرنے کی ہدایت کرتے ہوئے کہا کہ بارش کے پانی سے عوام کو پیش آنیوالی دشواریوں کا فوری ازالہ کیا جائے ۔
