اسلام آباد ریڈ زون کے 2مقامات سے داخلی و خارجی راستے تاحکم ثانی بند کردیئے گئے ہیں ۔ٹریفک پولیس کی جانب سے جاری بیان کے مطابق امن وامان صورتحال کے پیش نظر (ہفتہ )8 مارچ سے ریڈ زون کے ایکسپریس چوک اور سرینہ ہوٹل کے داخلی و خارجی راستے تاحکم ثانی عارضی طور پر بند کردیئے گئے ہیں،
اس دوران ٹریفک کیلئے نادرا، میریٹ اور مارگلہ روڈ استعمال کئے جا سکتے ہیں جبکہ کلب روڈ سے ریڈ زون جانے والی ٹریفک سیونتھ ایونیو استعمال کر سکتی ہے۔بیان میں کہا گیا ہے کہ مزید معلومات کیلئے ٹریفک ہیلپ لائن نمبر 1915اور اسلام آباد ٹریفک پولیس کے دوسرے سوشل میڈیا پلیٹ فارم بھی دیکھے جا سکتے ہیں۔
