چین کے سرکاری اعدادوشمار کے مطابق ملک کی مجموعی درآمدات وبرآمدات میں اکتوبر کے دوران یوآن کے حساب سے گزشتہ سال کی نسبت 4.6 فیصد اضافہ ہوا-(شِنہوا)
بیجنگ(شِنہوا)چین کی غیر ملکی تجارت میں اکتوبر کے دوران تیزی سے اضافہ ریکارڈ کیا گیا، جو مضبوط معاشی رفتار کی نشاندہی کرتا ہے۔
جنرل ایڈمنسٹریشن آف کسٹمز (جی اے سی) کی جانب سے جمعرات کو جاری کردہ اعدادوشمار کے مطابق اکتوبر کے مہینے میں چین کی اشیاء کی مجموعی درآمدات و برآمدات میں یوآن کے حساب سے گزشتہ سال کی نسبت 4.6 فیصد اضافہ ہوا، جو ستمبر میں 0.7 فیصد اضافے سے زیادہ ہے۔
پہلے 10 ماہ میں ملک کی غیر ملکی اشیا کی تجارت سالانہ بنیاد پر 5.2 فیصد بڑھ کر 360 کھرب 20 ارب یوآن (تقریباً 50 کھرب امریکی ڈالر) ہوگئی۔ برآمدات میں 6.7 فیصد اور درآمدات میں 3.2 فیصد اضافہ ہوا۔
جی اے سی کے محکمہ شماریات اور تجزیہ کے ڈائریکٹر لیو ڈالیانگ نے بتایا کہ چین بہتر معیار اور مستحکم حجم کے ساتھ پورے سال کے غیر ملکی تجارتی ہدف کو حاصل کرنے کی صلاحیت رکھتا ہے۔
