راولپنڈی: اڈیالہ جیل راولپنڈی میں قیدیوں سے ہر قسم کی ملاقات پر 18 اکتوبر تک پابندی عائد کی گئی ، بانی پی ٹی آئی عمران خان سے پارٹی رہنماوں، وکلا اور فیملی کی ملاقات پر بھی پابندی عائد ہوگی۔
تفصیلات کے مطابق وفاقی دارالحکومت اسلام آباد میں شنگھائی تعاون تنظیم کے سلسلے میں جڑواں شہروں میں سکیورٹی کے سخت اقدامات کرنے کا فیصلہ کیا گیا ہے۔
سکیورٹی وجوہات کے باعث اڈیالہ جیل راولپنڈی میں قیدیوں سے ملاقاتوں پر پابندی لگائی گئی ہے۔ پابندی کا فیصلہ پنجاب حکومت کی جانب سے کیا گیا ہے۔ اڈیالہ جیل میں ملاقاتوں پر پابندی کا اطلاق عام قیدیوں پر بھی ہوگا۔
