مکہ المکرمہ: سعودی وزارت حج نے کہا ہے کہ عمرہ پرمٹ کا مقصد عمرہ مناسک کی ادائیگی میں سہولت ہے، اس کا مقصد زائرین کو رش سے بچانا ہے۔
سعودی وزارت حج نے عمرہ زائرین کے لیے پرمٹ کے حصول پر زور دیتے ہوئے کہا کہ زائرین کو عمرہ پرمٹ کے مقررہ وقت سے 4 گھنٹے قبل مکہ مکرمہ میں داخل ہونا چاہئے، پرمٹ کا مقصد عمرہ مناسک کی ادائیگی میں سہولت ہے۔وزارت کی جانب سے بیان میں کہا گیا کہ زائرین کو اگر یہ اندیشہ ہو کہ وہ پرمٹ کے وقت پر مکہ نہیں پہنچ سکتے تو انہیں چاہیے کہ وہ اپنا پرمٹ کینسل کرانے کے بعد دوبارہ اپنی آسانی کو مدنظر رکھتے ہوئے جاری کرالیں۔
