مالٹا کے شہر سویکی میں مالٹا کے لئے 20 ویں چینی طبی ٹیم کی رکن تانگ لی مے چینی ایروبک ورزش کی ایک روایتی شکل بدوانجن پر لیکچر دے رہی ہیں-(شِنہوا)
والیٹا(شِنہوا)بحیرہ روم کے علاقائی مرکز برائے روایتی چینی طب (ایم آر سی ٹی سی ایم) کی 20 ویں چینی طبی ٹیم نے مشرقی مالٹا میں سویکی لوکل کونسل میں رہائشیوں کو مفت طبی خدمات فراہم کیں۔
تقریب کا آغاز طبی ٹیم کی ایک رکن تانگ لی مے کے لیکچر سے ہوا، جنہوں نے چینی ایروبک ورزش کی ایک روایتی شکل بدوانجن کو متعارف کرایا جو اس کے صحت کے فوائد کے لئے جانا جاتا ہے۔ تانگ لی مے کے مظاہرے کے بعد حاضرین نے جوش و خروش سے اس مشق میں حصہ لیا۔
لیکچر کے بعد طبی ٹیم نے بلڈ پریشر اور بلڈ شوگر چیک کرنے،صحت سے متعلق مشاورت اور مفت طبی سامان کی تقسیم سمیت متعدد خدمات پیش کیں۔
72 سالہ کرسٹین کوشیری کا کہنا تھا کہ مجھے یہ تقریب بہت دلچسپ لگی۔ انہوں نے کہا کہ بدوانجن کی مشق نہ صرف عمر رسیدہ افراد کے لئے اچھی ہے بلکہ نوجوانوں کے لئے بھی فائدہ مند ہے۔ میں گھر پر اس کی مشق جاری رکھنے کا ارادہ رکھتی ہوں۔ مجھے یقین ہے کہ یہ بہت مددگار ثابت ہوگی۔
