ورلڈ پولیس سمٹ 2025ء کیلئے پنجاب پولیس کے 37 افسران و اہلکار کو عالمی اعزازات کیلئے نامزد کرلیا گیا۔ ذرائع کے مطابق ورلڈ پولیس سمٹ کا چوتھا ایڈیشن 13سے 15مئی 2025ء تک ورلڈ ٹریڈ سنٹر دبئی میں منعقد ہوگا جس میں دنیا بھر سے پیشہ ورانہ خدمات ،کارکردگی بارے نمایاں مقام رکھنے والے پولیس افسران شرکت کریں گے ۔حکام کے مطابق ورلڈ پولیس سمٹ ایوارڈز اور گالا ڈنر کا مقصد عالمی سطح پر پولیس فورسز کی انتھک محنت، جدید اختراعات اور غیر متزلزل عزم کو سراہنا اور تسلیم کرنا ہے۔آئی جی پنجاب ڈاکٹر عثمان انور نے عالمی تقریب میں شرکت کیلئے پنجاب پولیس کے 37افسران کو 12مختلف کیٹیگریز کیلئے نامزد کیا ہے ۔
جاری بیان کے مطابق سیکورٹی اور قانون کے نفاذ میں اختراعی آئیڈیاز کیلئے ڈی آئی جی احسن یونس (پنجاب سیف سٹی اتھارٹی) اور ان کی ٹیم، ڈی پی او منڈی بہائوالدین وسیم ریاض، اے ایس پی کینٹ ملتان ہلار خان، چیف سیکیورٹی افسر وہاڑی سب انسپکٹر علی طاہر کو نامزد کیا گیاہے ، کسٹمر سروسز میں ایکسی لینس کیلئے ایس ایس پی غضنفر علی شاہ، سینئر ٹریفک وارڈن حبیب احمد، ٹریفک وارڈن غلام علی( پنجاب سیف سٹی اتھارٹی) ،فارنزک سائنس میں مہارت کیلئے سب انسپکٹر جاوید اقبال (سی آر او برانچ ملتان)،روڈ سیفٹی کیلئے ٹریفک وارڈن علی حسن (سٹی ٹریفک پولیس ملتان)،گڈ سیمریٹنز ایوارڈ کیلئے ایس ایس پی کامران عامر، سینئر ٹریفک وارڈن محمد موسی کو، آرٹیفیشل انٹلیجنس ایمپلمنٹیشن کیلئے ڈی پی او قصور عیسی خان، سی ٹی او ملتان سردار ماوران خان( پنجاب سیف سٹی اتھارٹی) کو نامزد کیا گیا ہے ۔
اسی طرح سٹارٹ اپ انوویشن کیلئے ایس ڈی پی او گلگشت ملتان ظہیرالدین بابر،بیسٹ پولیس ایپلی کیشن کیلئے ایس پی محمود الحسن (پولیس ٹریننگ کالج لاہور۔ پنجاب سیف سٹی اتھارٹی)،کریمنل انویسٹی گیشن میں ایکسی لینس کیلئے اے ایس پی انعم سحر، اے ایس پی آغا فصیح الرحمان، انسپکٹر محمد اکبرکو نامزد کیا گیا ہے۔ خواتین افسران میں اثر انگیز خدمات کیلئے ایس پی بشری جمیل، اے ایس آئی فرحت النسا، سب انسپکٹر امتل منظور، لیڈی کانسٹیبل رابیہ حبیب، ایس پی بنش فاطمہ، لیڈی کانسٹیبل فرحانہ بی بی،اینٹی نارکوٹکس کارکردگی کیلئے ڈی پی او عیسیٰ خان، سب انسپکٹر عمران خان، ایڈیشنل ایس پی کائنات اظہر،پیپلز ڈیٹرمنیشن ایوارڈ کیلئے ایس پی محمود الحسن، کانسٹیبل نوید اکرم، کانسٹیبل شاہد منظور، غازی احمد غفار، غازی فرہاد منیرکو نامزد کیا گیا ہے۔ تمام نامزد افسران کو ہدایت کی گئی ہے کہ وہ اپنی متعلقہ کیٹیگریز کے تحت ورلڈ پولیس سمٹ کیلئے آن لائن اپلائی کر کے اطلاع آئی جی آفس پنجاب کو فراہم کریں۔
