بیجنگ (شِنہوا) چین کے وزیر تعلیم ہوائی جن پینگ نے کہا ہے کہ چین کی اعلیٰ جامعات نے گزشتہ دو سال کے دوران طلبہ کے داخلوں میں 38 ہزار نشستوں کا اضافہ کیاہے۔
قومی مقننہ کے جاری اجلاس کے موقع پر پریس کانفرنس سے خطاب کرتے ہوئے انہوں نے کہا کہ اس مدت کے دوران چینی مین لینڈ اور دیگر ممالک و خطوں کے درمیان انڈر گریجویٹ یا اس سے اوپر کی سطح کے 540 نئے مشترکہ ادارے اور پروگرامز قائم کئے گئے ہیں۔
انہوں نے کہا کہ 2021 سے 2025 تک 8 ہزار 600 سے زیادہ نئے انڈر گریجویٹ پروگرامز اور 4 ہزار 500 سے زیادہ ماسٹر ڈگری دینے والے پروگرامز کا اضافہ کیا گیا، ان میں سے بہت سے نئے یا تبدیل کئے گئے شعبے و مضامین مستقبل کی ترقی اور افراد کی ہمہ جہت نشوونما کے مطابق ترتیب دیئے گئے ہیں۔
انہوں نے کہا کہ چین طلب کے مطابق صلاحیتوں کی فراہمی کو ہم آہنگ کرنےکے لئے اصلاحات کو فروغ دینا جاری رکھے گا۔
