سعودی عرب کی قیادت میں قائم اتحاد نے یمن کے صوبے الضالع میں محدود فضائی کارروائیاں کرنے اور علیحدگی پسند فورسز کو نشانہ بنانے کی تصدیق کرتے ہوئے کہا ہے کہ سربراہ سدرن ٹریڈیشنل کونسل عیدروس الزبیدی طے شدہ پرواز پر ریاض آنے کے بجائے نامعلوم مقام پر فرار ہوگئے، الزبیدی کو منگل کی رات عدن سے ریاض روانہ ہونا تھا۔
اتحاد کی جانب سے جای بیان میں کہا گیا کہ الزبیدی کو یمنی حکومت اور جنوبی علیحدگی پسندوں کے درمیان مذاکرات میں شرکت کرنا تھی، قانونی حکومت اور اتحاد کو معلومات ملیں کہ الزبیدی نے ایک بڑی فوج کو متحرک کیا ہے، بیان میں کہا گیا کہ الزبیدی نے بھاری اور ہلکے ہتھیاروں سمیت ایک بڑی فوجی قوت الضالع میں جمع کرلی تھی، صبح 4 بجے پیشگی فضائی حملے کئے تاکہ تصادم کا پھیلا روکا جاسکے۔
بیان میں مزید کہا گیا ہے کہ الزبیدی ریاض کیلئے طیارے پر سوار نہیں ہوئے۔
