امریکی صدر ڈونلڈ ٹرمپ اور انکی ٹیم گرین لینڈ حاصل کرنے کے آپشنز پر غور کررہے ہیں، وائٹ ہائوس کے مطابق اس سلسلے میں ایک اجلاس منعقد کیا گیا جس میں گرین لینڈ کو حاصل کرنے کیلئے ملٹری آپشن پر بھی غور کیا گیا۔
غیر ملکی میڈیا کے مطابق صدر ٹرمپ واضح کرچکے ہیں کہ گرین لینڈ کو حاصل کرنا نیشنل سکیورٹی ترجیح ہے۔
سینئر امریکی عہدیدار کے مطابق ٹرمپ اپنے موجودہ دور حکومت میں گرین لینڈ حاصل کرنا چاہتے ہیں جس کیلئے وہ اور انکے مشیر مختلف آپشنز پر غور کررہے ہیں۔
امریکی آپشنز میں ڈنمارک سے یہ علاقہ خریدنے یا جزیرے کیساتھ آزادانہ وابستگی کا معاہدہ کرنے کے امکانات شامل ہیں۔
ادھر نیٹو کا کہنا ہے کہ گرین لینڈ کو حاصل کرنے کا معاملہ ابھی ختم نہیں ہوا تاہم لیڈرز کے اعتراضات کے باوجود صدر ٹرمپ گرین لینڈ حاصل کرنے کیلئیے بے چین ہیں۔
