سیکیورٹی فورسز نے خیبرپختونخوا میں 2 مختلف کارروائیوں کے دوران 9 بھارتی حمایت یافتہ خوارج جہنم رسید کردیئے۔
آئی ایس پی آر کی جانب سے جاری بیان کے مطابق سیکیورٹی فورسز نے 5 دسمبر کو ٹانک میں خوارج کی موجودگی کی خفیہ اطلاع پر آپریشن کیا اس دوران دہشت گردوں کے ٹھکانے کو موثر انداز میں نشانہ بنایا گیا، شدید فائرنگ تبادلے کے بعد 7خوارج مارے گئے۔
ترجمان کے مطابق لکی مروت میں ایک اور انٹیلی جنس بیسڈ آپریشن میں فائرنگ تبادلے میں 2خوارج ہلاک ہوئے جن کے قبضے سے دھماکہ خیز مواد اور اسلحہ برآمد ہوا۔
آئی ایس پی آر کے مطابق ہلاک خوارج فورسز، قانون نافذ کرنے والے اداروں کے خلاف دہشت گردانہ کارروائیوں اور معصوم شہریوں کی ٹارگٹ کلنگ میں ملوث تھے۔
ترجمان کے مطابق علاقے میں دیگر بھارتی سرپرستی میں کام کرنے والے خوارج کے خاتمے کے لئے سرچ اور کلیئرنس آپریشنز جاری ہے۔
وژن عزمِ استحکام کے تحت فورسز اور قانون نافذ کرنیوالے اداروں نے دہشت گردی کے خلاف مہم جاری رکھنے کے عزم کا اعادہ کیا۔
