عدالت نے سنگجانی جلسہ کیس میں عمرایوب، شیخ وقاص اکرم اور زرتاج گل کو گرفتار کرکے پیش کرنے کا حکم دے دیا۔
پیر کو اے ٹی سی اسلام آباد میں جج طاہر عباس سپرا نے پی ٹی آئی رہنمائوں کیخلاف سنگجانی جلسہ کیس پر سماعت کی ۔پی ٹی آئی رہنمائوں کی جانب سے سردار محمد مصروف خان، آمنہ علی اور مرتضی طوری ایڈووکیٹ عدالت میں پیش ہوئے تاہم عمر ایوب، شیخ وقاص اکرم اور زرتاج گل و دیگر پیش نہ ہوئے جس پر عدالت نے برہمی کا اظہار کرتے ہوئے کہا کہ یہ تمام لوگ ایک دفعہ بھی اس مقدمے میں پیش نہیں ہوئے۔
دوران سماعت عدالت نے عمر ایوب کی حاضری استثنیٰ درخواست مسترد کرتے ہوئے تینوں کو گرفتار کر کے عدالت پیش کرنے کا حکم دیا۔
