فیصل آباد میں بارش کے باعث گھر کی چھت گرنے سے 2بچے جاں بحق ،7افراد زخمی ہوگئے۔
ریسکیو حکام کے مطابق فیصل آباد کی تحصیل تاندلیانوالہ کے 609گائوں میں بارش کے باعث ٹی آر گارڈ سے بنے گھر کی چھت گر گئی جس کے نتیجے میں دو بچے موقع پر ہی دم توڑ گئے جبکہ خواتین اور بچوں سمیت 7افراد زخمی ہوئے ہیں۔
ریسکیو حکام نے حادثے کی اطلاع پر جاں بحق بچوں کی نعشوں اور زخمیوں کو تحصیل ہیڈ کوارٹر ہسپتال منتقل کردیا جہاں جاں بحق بچوں کی شناخت 12سالہ راحیلہ اور 9سال کے ابوذر کے ناموں سے ہوئی۔ڈاکٹرز کے مطابق زخمی خواتین کی حالت تشویشناک ہے۔
