چین کے جنوبی شہر ہائیکو میں منعقدہ ’’2025 ورلڈ نیو انرجی وہیکل کانگریس (ڈبلیو این ای وی سی)‘‘ پیر کے روز اختتام پذیر ہوگئی ہے۔
اس تین روزہ ایونٹ میں کارسازی کی عالمی صنعت سے وابستہ 200 سے زائد نمائندے شریک ہوئے ہیں۔
صنعتی ماہرین نے نئی توانائی والی گاڑیوں (این ای وی) کی تیزی سے پھیلتی عالمی منڈی کے تناظر میں چین اور جرمنی کے تعاون پر بھرپور اعتماد کا اظہار کیا ہے۔
ساؤنڈ بائٹ 1 (جرمن): ہلڈیگارڈ مولر، صدر، جرمن ایسوسی ایشن آف آٹوموٹیو انڈسٹری
"میرا ماننا ہے کہ جرمن اور چینی کمپنیوں کے درمیان تعلق باہمی اعتماد اور شراکت داری پر قائم ہے۔ میں اکثر کہتا ہوں کہ ہمیں ایک دوسرے سے مقابلے اور تعاون دونوں کی ضرورت ہے۔ ہم حریف بھی ہو سکتے ہیں لیکن ساتھ ہی مختلف شعبوں میں ایک دوسرے سے سیکھ بھی سکتے ہیں۔ ہمیں ان مواقع اور امکانات سے بھرپور فائدہ اٹھانا چاہئے۔”
ساؤنڈ بائٹ 2 (چینی): ما جون، پروفیسر، تونگجی یونیورسٹی
"چینی اور جرمن کمپنیوں کے درمیان تعاون مزید بہتر ہو گیا ہے۔ یہ تعاون اب صرف ٹیکنالوجی یا کاروبار کی سطح تک محدود نہیں رہا بلکہ ثقافتی تبادلے، ہمہ جہتی اشتراک اور ماحولیاتی شراکت داری تک پھیل چکا ہے۔ آج دونوں فریق انتہائی مضبوطی سے ایک دوسرے کے ساتھ جُڑے ہوئے ہیں۔”
ساؤنڈ بائٹ 3 (انگریزی): جوچن گولر، ممبر، بورڈ آف منیجمنٹ، بی ایم ڈبلیو اے جی
"چینی صارفین کی ضروریات کو صحیح معنوں میں پورا کرنے کے لئے ہم بھرپور تعاون کر رہے ہیں۔ مثال کے طور پر ہم ہواوے کے ساتھ ڈیجیٹل کی اور ایپ اسٹور پر کام کر رہے ہیں۔ اسی طرح ہم علی بابا کے ساتھ بھی شراکت کر رہے ہیں جس میں بانما اسپیچ کو اپنی گاڑیوں میں شامل کرنا بھی شامل ہے۔ جیسا کہ آپ دیکھ سکتے ہیں کہ ہماری مصنوعات میں چینی ایکو سسٹم کا بہترین انضمام ہوگا۔”
ہائیکو، چین سے شِنہوا نیوز ایجنسی کے نمائندوں کی رپورٹ۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسٹ آن سکرین:
ہائیکو میں 2025 ورلڈ نیو انرجی وہیکل کانگریس اختتام پذیر
تین روزہ ایونٹ میں دنیا بھر سے 200 نمائندے شریک ہوئے
عالمی این ای وی مارکیٹ تیزی سے پھیل رہی ہے
ماہرین کے مطابق چین اور جرمنی کا تعاون مزید مستحکم ہو رہا ہے
دوطرفہ تعاون ٹیکنالوجی سے بڑھ کر ثقافتی اور ماحولیاتی شراکت تک پھیل گیا
جرمن کمپنیاں چینی ایکو سسٹم کے انضمام کی خواہاں ہیں
ہواوے اور علی بابا کے ساتھ آٹو ٹیکنالوجی میں تعاون جاری
چین اور جرمنی ٹیکنالوجی میں باہم مقابل بھی ہیں اور شراکت دار بھی
دونوں ممالک کی باہمی وابستگی وقت کے ساتھ گہری ہو رہی ہے
ایونٹ سے دونوں ملکوں میں تعاون کے نئے مواقع پیدا ہوئے
ہائیکو کانگریس نے آٹو انڈسٹری کے لئےمستقبل کی نئی راہیں کھول دیں
