لاہور: لاہور ہائیکورٹ نے چیئرمین نادرا لیفٹیننٹ جنرل منیر افسر کی تعیناتی کالعدم قرار دیکر عہدے سے ہٹانے کا حکم دے دیا۔تفصیلات مطابق لاہور ہائیکورٹ کے جسٹس عاصم حفیظ نے شہری اشباء کامران کی جانب سے چیئرمین نادراکی تعیناتی کیخلاف دائر درخواست کا تحریری فیصلہ جاری کردیا۔
درخواست میں موقف اپنایا گیا تھا کہ نگران حکومت نے نادرا قانون میں ترامیم کرکے حاضر سروس آرمی افسر کو تقرر کرنے کی منظوری دی، نگران حکومت مستقل پالیسی معاملات میں مداخلت نہیں کر سکتی۔استدعا ہے کہ عدالت نادرا ترمیمی رولز،حاضر سروس فوجی افسر کی بطور چیئرمین نادرا تقرری کالعدم قراردے۔
عدالت نے درخواست منظور کرتے ہوئے لیفٹیننٹ جنرل منیر افسر کی بطور چیئرمین نادرا تعیناتی کالعدم قرار دے کر عہدے سے ہٹانے کا حکم دے دیا۔
