چائنہ کوسٹ گارڈ دیاؤ یو ڈاؤ کے اطراف گشت کررہی ہے۔(شِنہوا)
بیجنگ(شِنہوا)چین کے دیاؤ یو ڈاؤ کی سمندری حدود میں غیرقانونی طور پر داخل ہونے والے جاپانی ماہی گیری جہاز کو بے داخل کردیا گیا ہے۔
چائنہ کوسٹ گارڈ (سی سی جی) کے ایک ترجمان لیو دے جون نے اتوار کو بتایاکہ سی سی جی نے قانون کے تحت صورتحال پر قابو پانے کے لئے ضروری اقدامات کئے اور انتباہ جاری کرتے ہوئے ہفتے اور اتوار کے درمیان غیر قانونی طور پر سمندری حدود میں داخل ہونے والے جاپانی ماہی گیری جہاز کو نکال دیا۔
لیو نے زور دیا کہ دیاؤ یو ڈاؤ اور اس سے ملحقہ جزیرہ چینی خطہ ہے ۔ انہوں نے جاپان سے کہا کہ وہ فوری طور پر ان پانیوں میں تمام غیر قانونی سرگرمیاں بند کرے۔
ترجمان کا مزید کہنا تھا کہ سی سی جی چین کی علاقائی خودمختاری اور سمندری حقوق و مفادات کے تحفظ کے لئے دیاؤ یو ڈاؤ کے پانیوں میں قانون نافذ کرنے کی کارروائیاں جاری رکھے گی۔
