اسپیس ایکس نے اپنے اسٹار لنک انٹرنیٹ سیٹلائٹس کی ایک اور بڑی کھیپ فلوریڈا سے مدار میں لانچ کردی ،یہ لانچ 2025 کا 39 واں فالکن 9 مشن ہے، ان پروازوں میں سے دو تہائی اسٹارلنک میگا کنسٹیلیشن کی تعمیر کے لیے وقف کیے گئے ہیں، یہ اب تک کا سب سے بڑا سیٹلائٹ نیٹ ورک ہے۔
اتوار کو ایک فیلکن 9 راکٹ جس میں 28 اسٹار لنک سیٹلائٹ شامل ہیںکیپ کیناویرل اسپیس فورس اسٹیشن سے روانہ ہوا۔سماجی رابطے کی ویب سائٹ ایکس پر اپنے ایک بیان میں کمپنی نے کہا کہ فیلکن 9 کے اوپری اسٹیج نے اسٹار لنک سیٹلائٹس کو زمین کے نچلے مدار (ایل ای او)میں لفٹ آف کے تقریبا ایک گھنٹہ بعد منصوبہ بندی کے مطابق چھوڑا۔ لانچ کے تقریبا آٹھ منٹ بعد راکٹ کا پہلا اسٹیج اسپیس ایکس ڈرون شپ پر لینڈنگ کے لیے زمین پر واپس آیا۔
