کوئٹہ میں متعدد شہریوں نے بچوں کو پولیو بچائو کے قطرے پلانے سے انکار کر دیا جس پر 5 افراد کو گرفتار کرلیا گیا۔ڈپٹی کمشنر کوئٹہ کے مطابق کوئٹہ میں 90افراد نے بچوں کو پولیو سے بچائو کے قطرے پلانے سے انکار کیا ۔انہوں نے بتایا کہ 60انکاری والدین کو آمادہ کر کے بچوں کو پولیو سے بچا ئوکے قطرے پلوائے گئے ہیں اور 5 افرادکو گرفتار کر کے جیل بھیج دیا گیا ہے۔ انہوں نے بتایا کہ بچوں کو پولیو قطرے نہ پلانے والوں کو گرفتار کر کے جیل بھجوایا جائے گا۔انہوں نے والدین سے اپیل کی کہ اپنے بچوں کے محفوظ مستقبل کیلئے انہیں ویکسین لازمی پلوائیں۔
