بیجنگ (شِنہوا) چین کی وزارت خارجہ کی ایک ترجمان نے کہا ہے کہ کسی بھی ملک کو دنیا کی پولیس بننے کا حق ہے نہ ہی وہ بین الاقوامی جج کے کردار کا دعویٰ کر سکتا ہے۔
وزارت خارجہ کی ترجمان ماؤ ننگ نے یہ بات اپنی معمول کی پریس بریفنگ میں وینزویلا کی صورتحال کے متعلق پوچھے گئے ایک سوال کے جواب میں کہی۔
انہوں نے کہا کہ چین مستقل طور پر اس بات کی حمایت کرتا ہے کہ تمام ممالک دیگر قوموں کا یہ حق تسلیم کریں کہ وہ آزادانہ طور پر اپنی ترقی کا راستہ خود منتخب کریں، بین الاقوامی قانون اور اقوام متحدہ کے منشور کے مقاصد و اصولوں کی پابندی کریں اور خاص طور پر بڑے ممالک کو اس سلسلے میں قائدانہ کردار ادا کرنا چاہیے۔
