کراچی پولیس نے 3 مختلف کارروائیوں میں 5 زخمیوں سمیت 8 ڈاکو گرفتار کرلے۔
ترجمان پولیس کے مطابق گلشن معمار پولیس نے جمعرات اور جمعہ کی درمیانی شب ناردرن بائی پاس عباس کٹ کے قریب سے مبینہ مقابلے کے بعد ایک ڈاکو کو زخمی حالت میں گرفتار کیا جسے طبی امداد کیلئے عباسی شہید ہسپتال منتقل کیا گیا، گرفتار ملزم سے ایک پستول، دو موبائل فونز اور کیش رقم برآمد ہوئی جبکہ اس کے دیگر ساتھی فرار ہونے کامیاب ہوگئے۔
سرجانی ٹائون پولیس نے بھی جمعرات اور جمعہ کی درمیانی شب سیکٹر10/Aشاہ بیگ گوٹھ کے قرب سے مبینہ مقابلے کے بعد 2زخمیوں سمیت 3ڈاکوئوں کو گرفتار کیا، زخمی حالت میں گرفتار ملزمان کو عباسی شہید ہسپتال منتقل کیا گیا جہاں ان کی شناخت زبیر ولد اعجاز اور علی ولد نواز کے ناموں سے ہوئی جبکہ تیسرے گرفتار ملزم نے اپنا نام شاکر ولد ممتاز عزیز بتایا، گرفتار ملزمان سے دو پستولیں بمعہ گولیاں، موبائل فونز، کیش رقم اور موٹرسائیکل برآمد کی گئی ہے۔
ترجمان کے مطابق پاک کالونی پولیس نے جمعرات اور جمعہ کی درمیانی شب پرانا گولیمار میں مبینہ مقابلہ کے بعد 2 زخمیوں سمیت 4 ملزمان کو گرفتار کر لیا، زخمی ملزمان کو سول ہسپتال منتقل کیا گیا جہاں ان کی شناخت ارباز اور حسن کے ناموں سے کی گئی جبکہ دیگر گرفتار دو ملزمان کے نام پولیس نے صیغہ راز میں رکھے ہیں، گرفتار ملزمان سے 3 پستولیں، موبائل فونز، کیش رقم، دو موٹرسائیکلیں اور بھاری مقدار میں منشیات برآمد ہوئی ہے۔
پولیس کے مطابق گرفتار ملزمان کا تعلق لیاری گینگ وار ارشد پپو کے سرغنہ رستم گروپ سے ہے، ملزمان منشیات فروشی سمیت دیگر سنگین جرائم کی ورداتوں میں ملوث ہیں۔
