افغانستان کے صوبے کنڑ کے ضلع نورگال میں ایک افغان شہری زلزلے سے تباہ ہونے والے گھر کے ملبے پر کھڑا ہے۔(شِنہوا)
کابل(شِنہوا)افغان ہلال احمر سوسائٹی نے کہا ہے کہ مشرقی افغانستان میں آنے والے شدید زلزلے سے ہلاکتوں کی تعداد 2205 ہوگئی ہے جبکہ 3640 افراد زخمی ہیں۔
ادارے نے کہا ہے کہ متاثرہ علاقوں میں امدادی کارروائی جاری ہے کیونکہ ایسی اطلاعات موصول ہوئی ہیں کہ بہت سے افراد تاحال منہدم ہونے والے گھروں کے ملبے تلے دبے ہوئے ہیں۔
مزید بتایا گیا ہے کہ جانی نقصان کے یہ اعداد وشمار ابتدائی معلومات پر مبنی ہیں اور اس میں مزید اضافہ ہوسکتا ہے۔
افغانستان کی عبوری حکومت کے نائب ترجمان حمداللہ فطرت نے سماجی رابطے کے پلیٹ فارم ایکس پر اپنی ایک پوسٹ میں کہا ہے کہ متعدد مقامات پر بے گھر ہونے والےافراد کے لئے خیمے لگا دئیے گئے ہیں جبکہ ہنگامی امدادی سامان کی منظم ترسیل جاری ہے۔
حکام نے گزشتہ روز بتایا تھا کہ زلزلے سے متاثرہ علاقوں میں تباہ ہونے والے گھروں کی تعداد 6782 تک پہنچ گئی ہے۔
