چین کی وزارت کا کہنا ہے کہ چین کی خدمات کی تجارت نے اس سال کی پہلی ششماہی میں مستحکم نمو برقرار رکھی ہے-(شِنہوا)
بیجنگ(شِنہوا)چین کی خدمات کی تجارت نے اس سال کی پہلی ششماہی میں مستحکم نمو برقرار رکھی۔ مجموعی درآمدات اور برآمدات 38.9 کھرب یوآن (تقریباً 544.9 ارب امریکی ڈالر) تک پہنچ گئیں جو گزشتہ سال کے مقابلے میں 8 فیصد اضافہ ہے۔
وزارت تجارت کے اعداد و شمار کے مطابق خدمات کی برآمدات 15 فیصد اضافے سے 16.9 کھرب یوآن تک پہنچ گئیں جبکہ درآمدات 3.2 فیصد بڑھ کر 22 کھرب یوآن ہوگئیں۔ خدمات کی تجارت کا خسارہ پچھلے سال کے اسی عرصے کے مقابلے میں 152.2 ارب یوآن کم ہوگیا ہے۔
علمی نوعیت کی خدمات کی تجارت میں بھی تسلسل کے ساتھ اضافہ ہوا جس کی مجموعی درآمدات اور برآمدات 15 کھرب یوآن ہوگئیں جوگزشتہ سال سے 6 فیصد کا اضافہ ہے۔
سفر سے متعلق خدمات رواں سال کی پہلی ششماہی میں خدمات کی سب سے بڑی تجارتی کیٹیگری رہیں، جس کا مجموعی حجم 10.8 کھرب یوآن تک پہنچ گیا جو پچھلے سال کے مقابلے میں 12.3 فیصد زیادہ ہے۔
اعدادوشمار کے مطابق قابل ذکر طور پر اس مدت کے دوران سفر کی خدمات کی برآمدات میں 68.7 فیصد کا تیز اضافہ دیکھا گیا۔
