لاہور: سینئر اداکار شمعون عباسی نے کہا ہے کہ یک طرفہ محبت کچھ نہیں ہوتی، اس سے انسان خود کو ہی نقصان پہنچاتا ہے اور محبت وہی ہے جو بانٹی جا سکے۔ ایک پرو گرام میں گفتگو کرتے ہوئے انہوں نے کہا کہ یک طرفہ محبت نے انہیں شدید تنہائی، ڈپریشن اور زندگی کی مشکلات سے دوچار کیا اور وہ خود اس تلخ حقیقت کی زندہ مثال ہیں، وہ تعلقات میں ہمیشہ ناکام رہے ہیں اور انہیں لگتا ہے کہ اس میں ان کی بھی کچھ کوتاہیاں رہی ہوں گی۔
انہوں نے کہا کہ کوئی بھی انسان تعلقات کے بارے میں کہیں سے کچھ سیکھتا نہیں ہے، بلکہ جب وہ کسی تعلق میں ہوتا ہے تو اسی دوران سیکھتا ہے، ان کے ساتھ بھی یہی ہوا، وہ سمجھتے تھے کہ تھوڑی محنت کے بعد زندگی بہتر ہو جائے گی، لیکن ایسا کچھ نہیں ہوا اور ان کے قریبی رشتے انہیں چھوڑ کر چلے گئے۔
اداکار کے مطابق جب یہ رشتے ان کی زندگی سے چلے گئے تو وہ بالکل تنہا رہ گئے، کیونکہ انہوں نے کبھی سوچا ہی نہیں تھا کہ یہ رشتے ایک دن ان کی زندگی سے چلے جائیں گے اور یہی بات انہیں اندر سے توڑ گئی۔
