اسلام آباد: سپیکر قومی اسمبلی سردار ایاز صادق نے کشمیری عوام سے یکجہتی کا اظہار کرتے ہوئے کہا ہے کہ 5اگست کا بھارتی اقدام کشمیری عوام کے حق خودارادیت کو دبانے کی ناکام کوشش تھی، کشمیر پاکستان کی شہ رگ ہے، پاکستانی عوام مقبوضہ کشمیر کے بہن بھائیوں کی جدوجہد آزادی میں ان کے شانہ بشانہ کھڑے ہے۔
یوم استحصال کشمیر پرجاری بیان میں ایاز صادق نے کہا کہ 5اگست 2019 ء کا غیر قانونی بھارتی اقدام کشمیری عوام کے حق خودارادیت کو دبانے کی ناکام کوشش تھی جسے کشمیری عوام نے یکسر مسترد کر دیا۔ انہوں نے کہا کہ بھارتی آئین سے آرٹیکلز 370 اور (35اے)کی منسوخی کا مقصد مقبوضہ کشمیر میں آبادیاتی تبدیلی کے ذریعے کشمیریوں کی شناخت اور حق ملکیت کو ختم کرنا ہے۔
انہوں نے کہا کہ کشمیری عوام گزشتہ سات دہائیوں سے بھارتی جبر، تشدد اور مظالم کا سامنا کرتے ہوئے اپنے حق کیلئے بھارتی افواج کے مظالم کا استقامت اور ثابت قدمی سے مقابلہ کر رہے ہیں۔ انہوں نے کہا کہ یوم استحصال کشمیریوں کی جدوجہد آزادی سے یکجہتی اور بھارتی جارحیت کے خلاف مزاحمت کی تجدید کا دن ہے۔
سپیکر نے کہا کہ کشمیر پاکستان کی شہ رگ ہے، پاکستانی عوام اپنے مقبوضہ کشمیر کے بہن بھائیوں کی جدوجہد آزدی میں ان کے شانہ بشانہ کھڑے ہے۔
